📰 विशेष वार्ता | आक्रोश आंदोलन – १७ सप्टेंबर २०२५

📰 विशेष वार्ता | आक्रोश आंदोलन – १७ सप्टेंबर २०२५

मुंबई :
दि बुद्धिस्ट सोसायटी ऑफ इंडिया, समता सैनिक दल, बौद्ध भिक्खु संघ व विविध समाज संघटनांच्या संयुक्त विद्यमाने आक्रोश आंदोलन दिनांक १७ सप्टेंबर २०२५ रोजी आझाद मैदान, मुंबई येथे भव्यदिव्य स्वरूपात होणार आहे. या आंदोलनाचे नेतृत्व डॉ. बाबासाहेब आंबेडकर यांचे नातू व दि बुद्धिस्ट सोसायटी ऑफ इंडिया चे राष्ट्रीय कार्याध्यक्ष डॉ. भीमराव यशवंतराव आंबेडकर साहेब करणार आहेत.

आंदोलनाच्या पार्श्वभूमीवर भारतीय बौद्ध महासभेचे केंद्रीय कार्यालय प्रमुख व राष्ट्रीय उपाध्यक्ष ॲड. एस. के. भंडारे यांनी देशभरातील सर्व शाखा, मंडळे व संघटनांना व्यापक प्रमाणावर जनसहभाग नोंदविण्याचे आवाहन केले आहे.

---

आंदोलनाच्या प्रमुख मागण्या :

1️⃣ महाबोधी महाविहार, बोधगया – संपूर्ण व्यवस्थापन बौद्ध समाजाला द्यावे.
2️⃣ महू जन्मभूमी स्मारक – व्यवस्थापन दि बुद्धिस्ट सोसायटी ऑफ इंडिया / डॉ. भीमराव यशवंतराव आंबेडकर यांना सोपवावे.
3️⃣ नागपूर दीक्षाभूमी – विद्रुपीकरण थांबवून व्यवस्थापन बौद्ध समाजाला परत द्यावे.

---

आंदोलनाविषयी सूचना :

🔹 प्रत्येक शाखेने आपल्या लेटरहेडवरून स्थानिक बुद्ध विहार, मंडळ व संघटनांना अर्ज देऊन आंदोलनात सहभागी होण्याचे आवाहन करावे.
🔹 ज्या जिल्ह्यात संस्थेचे ट्रस्टी, केंद्रीय किंवा राज्य पदाधिकारी आहेत, त्यांनी त्यांना आंदोलनासाठी आमंत्रित करावे.
🔹 आंदोलनाच्या प्रचारासाठी बॅनर व पंपलेट्स प्रत्येक शाखेने काढावेत.
🔹 आंदोलन स्थळी प्रत्येक शाखेने आपला स्वत:चा बॅनर घेऊन उपस्थित रहावे.
🔹 शाखा पदाधिकारी, केंद्रीय शिक्षक-शिक्षिका, बौद्धाचार्य, सैनिक, उपासक-उपासिका यांनी स्वत:च्या खर्चाने बॅनर तयार करून लावण्याचे आवाहन करण्यात आले आहे.

      

       आंदोलनासंदर्भात सर्वसाधारण सूचना :

✅ सहभागी होणाऱ्यांनी स्थानिक शाखेत नोंदणी करावी.
✅ आंदोलनात पांढरे कपडे प्रधान करून यावे.
✅ स्वच्छतेचे नियम काटेकोरपणे पाळावेत.
✅ आंदोलन पूर्णपणे शांततामय व शिस्तप्रिय पद्धतीने पार पाडावे.

---

आंदोलन सकाळी १० वाजता सुरू होऊन दुपारी १ वाजेपर्यंत चालणार आहे. बौद्ध समाजाच्या न्याय्य मागण्यांसाठी देशभरातून अनुयायी या आंदोलनात मोठ्या संख्येने सहभागी होणार असून, संघटना व शाखांनी तयारीला वेग दिला आहे.

---

✊ या आंदोलनातून बौद्ध समाजाला न्याय, संवैधानिक हक्क आणि ऐतिहासिक स्मारकांचे खरीखुरी जपणूक यासाठी एकजूट दाखविण्यात येणार आहे.

🙏 नमो बुद्धाय | जयभीम | जय संविधान 🙏

---